
Isinagawa ngayong araw ang 4th Quarter Nationwide Simultaneous Earthquake Drill (NSED) sa Fisherman’s Wharf, Brgy. La Huerta sa Parañaque City, na kung saan ang lokal na pamahalaan ng Parañaque ang naging punong-abala sa programang ito, sa pamumuno ng Paranaque City Disaster Risk Reduction and Management Office, sa pangunguna ni Dr. Teodoro B. Gonzales Jr.
Sa programang ito, dumalo ang ating butihing alkalde, Mayor Eric L. Olivarez, na kung saan kanyang ipinahayag ang patuloy na pagpapatupad ng mga programa at panukalang batas na may kaugnayan sa disaster prevention. “After nonstop preparation, this morning, we showcase our response capacity through the various scenarios reflected in our contingency plan,” aniya ng butihing alkalde.
Pinasalamatan din ni Mayor Eric ang mga dumalo at ang suportang pinakita ng iba’t ibang ahensiya sa isinagawang 4th Quarter NSED. Kasama rin sa dumalo sa programang ito ay sila Director Teresito Baculcol, OIC of DOST PHIVOLCS; Usec. Serefin Baretto Jr., Undersecretary for Public Safety of DILG; Usec. Franco Nemesio M. Gacal, Undersecretary for National Defense of Department of National Defense; Usec. Raymundo B. Ferrer, NDRRMC Executive Director; District 1 Congressman Edwin L. Olivarez; CSupt Nahum Tarroza, DSC Regional Director of the BFP-NCR; Director Romulo Cabantac Jr, Regional Director of OCD-NCR; Atty. Romando S. Artes, Acting Chairman of MMDA and Chairperson of NDRRMC; Parañaque City Administrator Atty. Voltaire Dela Cruz, at ang mga pinuno ng iba’t ibang ahensiya at departamento ng lokal na pamahalaan ng Parañaque.
Ang 4th Quarter NSED ay inorganisa ng National Disaster Risk Reduction and Management Council at Office of the Civil Defense, katuwang ang lokal na pamahalaan ng Parañaque.